نبطل ونا نحكيلك حديث شين طرالي نهار رحيلك..لوكان نميعدو....
ماني قليل غوالي طير حر ماناكل عقاب فضالي ( مفطوم علي العصر....
كيف البحر في غيضه**** موجه اتجي زرقه وموجه بيضه *** ليام يقلبن....
ماني جريح غرام ... جريح ناس خلوني أتقول احطام... بعد هجرهم....
مانك علي حنون ..........تبكي العين حداك بكاء قزون .....مابيت نشغلك....
ماهو رايق .........ولاعاد حب الناس ولا عاد روحه طايق.......الخاطر بلاك والله علمه ضايق....
اقلال او قله من فم عاقل موش حد ايسله اللي كيفكم نادر إقلال وقله....
عندك علم أيام الزها والصوب تمن فيلم ...تعال أحضره....
وين ماتغيبوا مدة ** حال غايتى ناخد نفس مانرده ** لين ترجعوا .....
يلي غلاكم روعه علي طيفكم ترقد العين وتوعه ......دوم تخطرو.....
زايد نوحى...بلاك ياعزيز الروح فاقد روحى .والاشواق يقتلن.....
حفنه حفنه والقلب.... ما ينسك غير بدفنه..... وديم غلاك يزيد.....
نلقانك عليه أغليت .... العقل نين ماعاد حاملك....
غلاكم عندى ما ينعد اعزاز بجد شغلتو الخاطر لين انهدز....
راضي وماني راضي *** غوالي غيابهم كيف حكم القاضي * مجبور نقبله....
راميت مالياس ع الهم وتميت للعفن طايب.......وما نشربه نقدفه دم من كبر هول المصايب.....
ايريح روحه ،لا نار تكبر لا سطير اجروحه ...اللي مانضر زولك "ايريح روحه.....
طول الليل انوح عليهم.....هلي بهدلني طاريهم.....
عرب جارحين العين ماهنوها يجوها على غفلات و يبكوها.....
خانقتني العبره بالك بعد نبكي جروحي تبرا....خلاني العزيز وحدي....
امغطيه ومدسوسه لا بت تبيد لا كلتها السوسه ...معزتك عندي.....
زاد نكدها في غيبتك تمت اتسيل وحدها...العين رايفت.....
كيف الصيني تضيق بلاك العين ياناسيني في غيبتك تميت كيف الصيني.....
كيف الدمار الشامل اجتاح المشاعر ناشهن بالكامل فتاك صوبكم......
ياللى سكنت الخاطرعندك احدايا من الشوق قناطر تعال قلهن.....
ماهن رفاقة ديمة قليل وين تجمعهن طريق سقيمة لقسام والغلاء......
مالها تفريز**** نا نقول نصبر وهي تقول عزيز ****العين ودرت....
أزعما امرايفين ارياف كيف اريافي..... والا اريافكم بارد لهيبه طافي....
السبت مارس 22, 2008 6:10 pm
